Hewldana bersivdayîna pirsgirêka Kurd a bi teoriya modernîteya demokratîk, ji bo Pkk’ê xwe rexneyeke radîkal bû û bû bingehê çareseriya demokratîk. Bi vî awayî îmkana zelalkirin û ravekirina xwezaya civakî bi çavekî zanistî bi paradîgmaya nû zêde bû. Karaktera dîrokî ya civakê û rêjeya zêhnî ya di avabûna wê de rê li ber nêzîkatiyeke nerm a civakê vekir. Ev nêzîkatî bi serê xwe dihat wateya xistina derba herî mezin li dogmatîzmê.
