Wekîlê DEM Partî Omer Ocalanî Rayraşîyayîşê Azadîye yê Pîlî de vat: ”Têkoşînê ma do heta azadîye dewam bikero.”
‘Rayraşîyayîşê Azadîye yo Pîl’ o ke seba azadîya Rayberê Şarê Kurdî Abdullah Ocalanî û çareserîya meseleya kurdan dîyabi destpêkerdene roja diyîne de dewam keno. Baska Qersî de Hemsereka DBPyî Çîgdeme Kiliçgun Uçar beşdaranê bînan reyde ver bi bajarekê Bazarcixî kewtî rayît.
Çîgdeme Kiliçgun Uçar tîya de qisey kerd û pare kerd ke ê bi rayraşîyayîşê azadîye mojnenê ke çareserîya demokratîke ya meseleya kurdan mumkîn a û muxatabê mesele zî Abdullah Ocalan o
Zarîfe Anliya 80 serre çalakîkerî pêşwazî kerdî û vat: ”Ma do tim têkoşîn bikerê.”
Rayraşîyayîş de sloganê sey Bijî berxwedana zindanan” û “Bijî berxwedana Îmraliyê” ameyî vatene.
Dima çalakîkerî derbazê qezaya Dîgorî bîyî. Tîya de Wekîlê DEM Partî Omer Ocalanî qurbanê Qirkerdişê Dîgorî yad kerdî. Omer Ocalanî bale ante tecrîdê Îmraliyî ser û vat: ”Seba çareserîya meseleya kurdan muxatabo verên Birêz Abdullah Ocalan o. Ma do heta azadîya ey têkoşînê xo rê dewam bikerê. Wa çew hînî nêmiro. Ma haştîyêka rûmetêne wazenê. Ma seba rayberê xo na çalakîye kenê. Berê Îmraliyî abibê, wa welat bibo gulîstan.”
