{"id":14482,"date":"2026-05-17T06:58:12","date_gmt":"2026-05-17T06:58:12","guid":{"rendered":"https:\/\/freedomocalansyria.com\/ku\/?p=14482"},"modified":"2026-05-17T06:58:13","modified_gmt":"2026-05-17T06:58:13","slug":"karayilan-tekosina-azadi-u-demokrasiye-we-li-ser-xeta-sehidan-teqez-bi-ser-bikeve","status":"publish","type":"post","link":"https:\/\/freedomocalansyria.com\/ku\/?p=14482","title":{"rendered":"Karayilan: T\u00eako\u015f\u00eena azad\u00ee \u00fb demokrasiy\u00ea w\u00ea li ser xeta \u015feh\u00eedan teqez bi ser bikeve"},"content":{"rendered":"\n<p class=\"wp-block-paragraph\">Endam\u00ea Fermandariya Navenda Parastina Gel (NPG) M\u00fbrat Karayilan ji bo \u015feh\u00eed\u00ean meha Gulan\u00ea ji ANF&#8217;\u00ea re axiv\u00ee, bal ki\u015fand ser cih\u00ea meha Gulan\u00ea di nava d\u00eeroka t\u00eako\u015f\u00een\u00ea \u00fb an\u00ee ziman ku di v\u00ea meh\u00ea de gelek hevr\u00eay\u00ean wan \u015feh\u00eed b\u00fbn. Karayilan \u015eeh\u00eed\u00ean Meha Gulan\u00ea careke din bi hurmet \u00fb minet bi b\u00eer an\u00ee \u00fb destn\u00ee\u015fan kir ku soza ku dane \u015feh\u00eedan h\u00eem\u00ea bingeh\u00een \u00ea t\u00eako\u015f\u00eena wan e.<\/p>\n\n\n\n<figure class=\"wp-block-video\"><video controls src=\"https:\/\/1649452211.rsc.cdn77.org\/20260516162755_2026-05-17-behdinan-murat-karayilan-mayis-sehitleri-uzerine-ozel-dosya-1.mp4\"><\/video><\/figure>\n\n\n\n<p class=\"wp-block-paragraph\"><strong>Meha Gulan\u00ea weke meha \u015feh\u00eedan \u00fb 18\u2019\u00ea Gulan\u00ea j\u00ee weke roja \u015feh\u00eedan t\u00ea p\u00ea\u015fwazkirin. Sedema v\u00ea \u00e7i ye? P\u00ea ve gir\u00eaday\u00ee, di t\u00eako\u015f\u00eena we de ev biryar keng\u00ee hat girtin \u00fb div\u00ea mirov v\u00ea roj\u00ea \u00e7awa p\u00ea\u015fwaz\u00ee bike?<\/strong><\/p>\n\n\n\n<p class=\"wp-block-paragraph\">Ez destp\u00eak\u00ea tevah\u00ee \u015feh\u00eed\u00ean meha Gulan\u00ea \u00fb tevah\u00ee \u015feh\u00eed\u00ean \u015fore\u015f\u00ea di \u015fexs\u00ea \u015feh\u00eed\u00ean mezin r\u00eaheval Heq\u00ee Karer de bi minet \u00fb hurmet b\u00eer t\u00eenim \u00fb bejna xwe li hember\u00ee b\u00eeran\u00eena wan ditew\u00eenim. Soza me day\u00ee wan, bi wes\u00eeleya v\u00ea roja p\u00eeroz carek\u00ee din dubare dikim. Em \u00ea heta daw\u00ee gir\u00eaday\u00ee soza xwe bin, hem\u00fb xeyal\u00ean wan bikin heq\u00eeqet \u00fb wisan wan bikin nemir. Di 1981&#8217;an de Konferansa PKK&#8217;\u00ea ya yekem\u00een \u00e7\u00eab\u00fb, di w\u00ea konferans\u00ea de biryar hat girtin ku roja \u015fehadeta heval Heq\u00ee Karer bibe roja tevah\u00ee \u015feh\u00eed\u00ean Kurdistan\u00ea. Di heman dem\u00ea de meha Gulan\u00ea j\u00ee bibe Meha \u015eeh\u00eedan.<\/p>\n\n\n\n<p class=\"wp-block-paragraph\">Ev biryar di konferans\u00ea de hat girtin \u00fb wisa hate \u00eelankirin. Ji w\u00ea dem\u00ea heta niha ew roj \u00fb meha Gulan\u00ea tevah\u00ee weke roja \u015feh\u00eedan \u00fb cejna \u015feh\u00eedan t\u00ea p\u00ea\u015fwaz\u00eekirin. Ji bo me \u015feh\u00eed xwed\u00ee gelek wate ne, di her tevger\u00ea de \u015feh\u00eed ji bo wan b\u00eaguman xwed\u00ee wate ye, l\u00ea wek Tevgera Apoy\u00ee ev wate li gel me k\u00fbr e. Li ser v\u00ea h\u00eem\u00ea b\u00eer \u00fb bawer\u00ee \u00fb r\u00eahevaltiy\u00ea tevger\u00een heye. Ji bo w\u00ea j\u00ee wateya xwe cuda \u00fb k\u00fbr e. Em her sal div\u00ea Roja \u015eeh\u00eedan, Meha \u015eeh\u00eedan weke roja bi \u015feh\u00eedan re r\u00fbbir\u00fb b\u00fby\u00een\u00ea p\u00ea\u015fwaz\u00ee bikin. Ango r\u00fbbir\u00fbb\u00fby\u00een, me li hember\u00ee \u015feh\u00eedan \u00e7iqas\u00ee erka xwe p\u00eak an\u00ee, em \u00e7iqas gir\u00eaday\u00ee soz\u00ean xwe man.<\/p>\n\n\n\n<p class=\"wp-block-paragraph\">Em \u00e7iqas di t\u00eako\u015f\u00een \u00fb jiyan\u00ea de layiq\u00ea \u015feh\u00eedan in. \u015eeh\u00eed leheng\u00ean me ne, em di r\u00eahevaltiy\u00ea de \u00e7iqas\u00ee dilsoz in. Div\u00ea em muhasebeya v\u00ea bikin. Div\u00ea hem\u00fb r\u00eaheval\u00ean me, hem\u00fb malbat\u00ean \u015feh\u00eedan, dilxwaz\u00ean me, hem\u00fb welatpar\u00eaz\u00ean Kurdistan her roj\u00ea \u015feh\u00eedan, her meh\u00ea \u015feh\u00eedan wisa bigrin dest. Ango weke roja ku em xwe l\u00eapirs\u00een dikin, li hember\u00ee heq\u00eeqeta \u015feh\u00eedan tevger\u00eena me \u00e7i ye? Em \u00e7iqas\u00ee layiq\u00ea \u015feh\u00eedan in? K\u00eaman\u00ee \u00e7i ne? Di \u015fopdariya \u015feh\u00eed\u00ean qehreman de? Di xeta R\u00eaber Apo de em \u00e7iqas\u00ee tevdigerin? Em \u00e7iqas\u00ee b\u00fbne bersiva erk\u00ea dem\u00ea? K\u00eaman\u00ee li ku der\u00ea hene? Em \u00ea \u00e7awan k\u00eamaniyan derbas bikin? Teqez dibe ku em li hember\u00ee heq\u00eeqeta \u015feh\u00eedan r\u00eahevaliyeke sade \u00fb dir\u00fbst tems\u00eel bikin, gir\u00eaday\u00ee soz\u00ean xwe bin. Soz r\u00fbmet e, r\u00fbmet ney\u00ea binp\u00eakirin. R\u00fbmet mirovat\u00ee ye, r\u00fbmeta te di\u00e7e. Ji bo v\u00ea em \u00ea \u00e7awa gir\u00eaday\u00ee r\u00fbmet \u00fb soza xwe bin? Bi \u00e7i hewldan, bi \u00e7i tarz\u00ea jiyan\u00ea, bi \u00e7i tarz\u00ea t\u00eako\u015f\u00een\u00ea gir\u00eaday\u00ee soz \u00fb r\u00fbmeta xwe bin. Div\u00ea em di van rojan de muhasebeya van bikin. Div\u00ea her kesek\u00ee welatpar\u00eaz, dilxwaz, kadro wisa Roj\u00ean \u015eeh\u00eedan, Meha \u015eeh\u00eedan p\u00ea\u015fwaz\u00ee bike. Ango bi \u015feh\u00eedan re &nbsp;r\u00fbbir\u00fb bin, wisa xwe muhakeme bikin, k\u00eamaniya xwe bib\u00eene \u00fb bi v\u00ee away\u00ee bi temam\u00ee \u015fopdariya \u015feh\u00eedan bike. Ev t\u00ea wateya ku hin bi xurt\u00ee t\u00eako\u015f\u00eena \u015feh\u00eed\u00ean qehreman were me\u015fandin. Div\u00ea her kesek\u00ee ji bo v\u00ea, ev roj\u00ean p\u00eeroz ku xwed\u00ee manew\u00ee ye, bi v\u00ee away\u00ee p\u00ea\u015fwaz\u00ee bike.<\/p>\n\n\n\n<p class=\"wp-block-paragraph\"><strong>Di t\u00eako\u015f\u00eena we de rola \u015feh\u00eedan h\u00fbn dikarin \u00e7awa p\u00eanase bikin?<\/strong><\/p>\n\n\n\n<p class=\"wp-block-paragraph\">Weke min got, rola \u015feh\u00eedan di tevgera me de pir z\u00eade heye. Niha dema mirov li d\u00eeroka mirovahiy\u00ea din\u00eare, di civak\u00ean ku nikaribin di nava xwe de lehengan ava bikin, an j\u00ee nikaribin xwed\u00ee li leheng\u00ean xwe y\u00ean hey\u00ee derkevin, ew civak tu caran azad nabin \u00fb weke kole dim\u00eenin. Pi\u015ftre j\u00ee winda dibin. Ango civakek ji bo ku heb\u00fbna xwe bidom\u00eene, hewceh\u00ee bi parastin\u00ea heye parastina bi her babet\u00ee ne ten\u00ea weke le\u015fker\u00ee. B\u00eaguman bi le\u015fker\u00ee bi \u00e7and\u00ee, bi ziman, bi keramet, ev civak were parastin. Di parastina w\u00ea de kes\u00ean ku wisa leheng\u00ean xwe ava kir\u00ee, dikarin heb\u00fbna xwe dom bikin. Y\u00ean leheng ava nekir\u00ee, ew t\u00eak di\u00e7in, heb\u00fbna wan \u00ead\u00ee winda dibe. Ango wek kole dim\u00eenin. B\u00eaguman leheng di \u015fert \u00fb merc\u00ean d\u00eerok\u00ea y\u00ean guncaw de derkevin ser d\u00eeka d\u00eerok\u00ea. Ango di her dem\u00ee de k\u00ee bi dil\u00ea xwe bixwaze nabe. Div\u00ea \u015fert \u00fb merc\u00ean d\u00eerok\u00ea j\u00ee ji bo derketin\u00ean leheng\u00ean d\u00eerok\u00ee guncaw be. Cardin div\u00ea leheng teqez li ser h\u00eem\u00ea b\u00eer \u00fb baweriya biryarb\u00fbneke tevbigere. Ango wisa ji bo parastina civak\u00ea, ji bo ku civak\u00ea ji xetimandin\u00ea derbas bike, bikaribe bi biryar fedakar\u00ee bike. Ango zanist nebe ev nabe. W\u00ea \u00e7ax\u00ea li deverek\u00ee, li \u00e7iyayek\u00ee ji bo ku leheng derkevin, t\u00ea wateya ku p\u00eaw\u00eeste zanist \u00e7\u00eabibe, t\u00eagih\u00een \u00e7\u00eabibe, b\u00eer \u00fb bawer\u00ee \u00e7\u00eabibe, ev \u00e7\u00eabibin ku heta ku karibe di civak\u00ea de rol bigre. Leheng bi tarz\u00ea jiyana xwe, bi tarz\u00ea t\u00eako\u015f\u00eena xwe, di civakan de kelecan\u00ea ava dike \u00fb civakan radikin ser ling. Wisa berjewend\u00ee \u00fb dahatuy\u00ean civak\u00ea tems\u00eel dikin. Feraseta xwe \u00fb civaka xwe dike yek. Wisa di civak\u00ea de rolek\u00ee dil\u00eeze. B\u00eaguman y\u00ean ku dem\u00ea rast bixw\u00eenin w\u00ea bi ser bikevin. Di her keliy\u00ea d\u00eerok\u00ea de leheng \u00e7\u00eab\u00fbne, l\u00ea y\u00ean ku dem\u00ea rast bixw\u00eenin \u00fb li gor dem\u00ea tevbigerin, ew encam digrin. Dema ku mirov bi gi\u015ft\u00ee li d\u00eerok\u00ea bin\u00eare, gel\u00ea me rol \u00fb m\u00eesyon\u00ea qehremenan di Kurdistan\u00ea de weke eg\u00eed bi nav dikin. Ango eg\u00eed\u00ean Kurdan heb\u00fbne \u00fb hene. Mirov dikare bib\u00eaje leheng j\u00ee, eg\u00eed j\u00ee. Eg\u00eed ji ber e\u015f\u00eer, yan j\u00ee civak\u00ea hey\u00ee t\u00eako\u015f\u00een dike, \u015fer dike, fedakar\u00ee dike. Ne ji bo xwe, ji bo civaka xwe \u00fb derdora xwe dikare xwe feda bike. Ji y\u00ean wisa re di Kurdistan\u00ea de dib\u00eajin eg\u00eed. L\u00ea bel\u00ea ji bo ku eg\u00eed encam bigirin, div\u00ea ew eg\u00eed bikaribin dem\u00ea rast bixw\u00eenin. Di Kurdistan\u00ea de weke t\u00ea zan\u00een, siyaset\u00ea qirkirin\u00ea me\u015fiya \u00fb siyaset\u00ea qirkirina f\u00eez\u00eek\u00ee, pi\u015ft\u00ee w\u00ea j\u00ee siyaseta bi\u015faftin\u00ea \u00fb as\u00eem\u00eel\u00ea hate p\u00ea\u015fxistin. Bi taybet di Kurdistana Bakur de, di sal\u00ean 1970&#8217;\u00ea de heb\u00fbn \u00fb tuneb\u00fbna civaka Kurd \u00ead\u00ee b\u00fb mijara n\u00eeqa\u015f\u00ea. Ji ber ku siyaseta qirkirin\u00ea di bakur\u00ea Kuristan\u00ea de pir z\u00eade hate p\u00ea\u015fxistin. Qetl\u00eeam \u00fb ku\u015ftinan p\u00eak an\u00een \u00fb pi\u015ftre j\u00ee, as\u00eem\u00eelasyoneke berfireh p\u00ea\u015f xistin. Di heman salan de, li ba\u015f\u00fbr\u00ea Kurdistan\u00ea j\u00ee tevgera hey\u00ee t\u00eak \u00e7\u00fb. Ev j\u00ee di civaka Kurd de \u015fkestineke k\u00fbr ava kir. Di demeke pir kr\u00eet\u00eek ku bawer\u00ee zeyif b\u00fb ku civak h\u00eaviya xwe k\u00eam kirib\u00fb de, derketina R\u00eaber Apo ya d\u00eerok\u00ee \u00e7\u00eab\u00fb. R\u00eaber Apo ders ji tecrubey\u00ean ku heta w\u00ea dem\u00ea \u00e7\u00eab\u00fby\u00ee girt. Destp\u00eak\u00ea k\u00fbraniya \u00e7anda Mezopotamya ya gel\u00ea Kurd \u00fb zanista serdem\u00ea bi hev re kir yek \u00fb li ser v\u00ea h\u00eem\u00ea \u015f\u00eerove p\u00ea\u015f xist, \u00eedeoloj\u00ee ava kir. Di qonaxa avakirina \u00eedeolojiy\u00ea de tesp\u00eet\u00ean di cih de hatin kirin. Ango hat gotin ku welat ber tuneb\u00fbn\u00ea ye, \u00ead\u00ee mirov nikare nav\u00ea w\u00ea bib\u00eaje, ji bo ku mirov nav bib\u00eaje cesaret p\u00eaw\u00eeste. Di welatek\u00ee wisa de, ji bo ku tu bikarib\u00ee \u015fore\u015fger\u00ee bik\u00ee, div\u00ea tu fedakariyek mezin bik\u00ee. Div\u00ea tu ne dib\u00eestan\u00ea \u00fb kar\u00ea xwe dest berd\u00ee, div\u00ea tu bikar\u00eeb\u00ee her ti\u015ft\u00ea dest berd\u00ee, can\u00ea xwe j\u00ee bid\u00ee. Ev yek nebin nabe. \u00c7ima? Li Kurdistan\u00ea civaka Kurd li ber k\u00eara qirkirin\u00ea ye. Ji bo ku p\u00ea\u015fiya tunekirin\u00ea were girtin, div\u00ea tu karib\u00ee sing\u00ea xwe ji bo her cur\u00ea zor \u00fb zehmetiy\u00ea vek\u00ee \u00fb bikarib\u00ee wisa t\u00eako\u015f\u00een bik\u00ee. Ango bi v\u00ea feraset\u00ea t\u00eako\u015f\u00eena \u00eedeoloj\u00eek hat me\u015fandin \u00fb avakirina kadroyan ya li ser v\u00ea h\u00eem\u00ea hate p\u00ea\u015fxistin. Ev li Kurdistan\u00ea bingeha lehengiy\u00ea ava kir. Y\u00ean eg\u00eed be dikarin li Kurdistan\u00ea rol\u00ea bil\u00eezin. Bi v\u00ee away\u00ee t\u00eako\u015f\u00eena bi r\u00ea ket\u00ee, \u015fehadeta 18&#8217;\u00ea Gulan\u00ea wek \u015feh\u00eed\u00ea destp\u00eak\u00ea y\u00ea mezin e, beriya w\u00ea j\u00ee hinek heval \u015feh\u00eed ketib\u00fbn, l\u00ea y\u00ea her\u00ee mezin \u00ea navend\u00ee y\u00ea wek al\u00eekar\u00ea R\u00eaber Apo heval Hak\u00ee Karer e. \u015eehadeta heval Hak\u00ee, salek \u015f\u00fbnde \u015fehadeta heval Xel\u00eel \u00c7avgun p\u00eavajoyeke wisa bi xwe re p\u00ea\u015f xist. Jixwe ew p\u00eavajo di heman dem\u00ea de part\u00eeb\u00fbn j\u00ee xist rojev\u00ea \u00fb p\u00ea\u015f xist. Part\u00eeb\u00fbn j\u00ee li ser v\u00ea h\u00eem\u00ea hate avakirin. Ev ti\u015ft\u00ean din pi\u015ft\u00ee w\u00ea bi leheng\u00ean berxwedana z\u00eendanan re \u00e7\u00eab\u00fby\u00ee; Mazl\u00fbm Dogan, Ferhat Kurtay, heval\u00ean w\u00ee, \u00e7alakvan\u00ean 14&#8217;\u00ea T\u00eermeh\u00ea, cardin berxwedan\u00ean li \u00e7iya ku bi p\u00ea\u015fengtiya Eg\u00eedan, Erdal \u00fb Bed\u00eerxanan re \u00e7\u00eab\u00fby\u00ee, cardin bi berxwexwedana kolanan \u00e7\u00eab\u00fby\u00ee ya di p\u00ea\u015fengtiya B\u00ear\u00eevanan de bi r\u00ea ket\u00ee, van hem\u00fb lehengiy\u00ea bi xwe re ava kir. Di Kurdistan\u00ea de wisa Eg\u00eedb\u00fbn\u00ee p\u00ea\u015f ket \u00fb her ku \u00e7\u00fb mezin b\u00fb. B\u00eaguman doz\u00ean mezin xwed\u00ee armanc\u00ean mezin in. Armaca \u015fore\u015fger\u00ean Kurdistan\u00ea ew e ku Kurdistan\u00ea ji tuneb\u00fbn \u00fb xelandin\u00ea rizgar bikin, azad bikin \u00fb di Rojhilata Nav\u00een de Konfederal\u00eezma Demokrat\u00eek ava bikin. Ango gel\u00ea Kurd ne ten\u00ea xwe ji tuneb\u00fbn\u00ea rizgar dike, bi xwe re gel\u00ean her\u00eam\u00ea j\u00ee rizgar dike. Armanceke wisa mezin dan\u00eene p\u00ea\u015fiya xwe \u00fb wisa heq\u00eeqeyek e\u015fkere kirin. Heq\u00eeqet ev e; heq\u00eeqet Kurdistan\u00ea e, li ber k\u00ealeka tuneb\u00fbn\u00ea ye, e\u015f \u00fb elem komkuj\u00ee t\u00eade hene. Div\u00ea mirov li hember\u00ee v\u00ea b\u00eadeng nem\u00eene. K\u00ee li hember\u00ee v\u00ea b\u00eadeng bim\u00eene, mirovatiya xwe dest dide. Kes\u00ea ku bib\u00eaje ez mirov im, div\u00ea xwed\u00ee li van heq\u00eeqetan derkeve, li pey heq\u00eeqet\u00ea bime\u015fe \u00fb wisa tevbigere \u00fb t\u00eabiko\u015fe. Jixwe hat d\u00eetin ku leheng\u00ean wisa tevgeriya ne li ser civak\u00ea bandorek\u00ee mezin \u00e7\u00eakirine. Ew lehengane bi jiyana xwe, bi \u00e7alakiya xwe, bi sekna xwe, bi t\u00eako\u015f\u00eena xwe, bandor ava kirin. Bi esas\u00ee xwe \u00fb daxwaz\u00ean civak\u00ea kirin yek. Xwe kirin feday\u00ee daxwaz\u00ean civak\u00ea. Dema civak d\u00eet ku tarz\u00ea jiyan\u00ea cuda ye, sade ye, ji bo t\u00eako\u015f\u00een \u00fb azadiy\u00ea ye, ji bo azadiya gel\u00ea Kurd e \u00fb gotin \u00fb prat\u00eek yek e, dirust e, biryar e, cesaret dide mirov \u00fb dema ku di prat\u00eek\u00ea de \u015fehadet \u00e7\u00eab\u00fb, ji xewn\u00ea rab\u00fbn, bawer\u00ee wisa \u00e7\u00eab\u00fb. Bi v\u00ee reng\u00ee civak li pey me\u015fiya. Dema civak din\u00eare ku doza wan bi wan re yek e \u00fb di w\u00ea oxir\u00ea de fedakar\u00ee dike \u00fb can\u00ea xwe dide, ew j\u00ee radibe \u00fb ew j\u00ee fedakar\u00ee dike. Civak wisa li pey lehengan me\u015fiya, rab\u00fb. Bi lehengiy\u00ean wisa ber\u00e7av, bi fedakar\u00ee \u00fb cesaret\u00ea wan kelecan jiyan kir \u00fb d\u00eet ku h\u00eav\u00ee heye. H\u00eav\u00ee bi civak\u00ea re \u00e7\u00eab\u00fb \u00fb civak wisa rab\u00fb ser piyan. Ango y\u00ean ku civak rakir\u00ee, ew leheng in, \u015feh\u00eed\u00ean qehreman in. Y\u00ean ku civak day\u00een me\u015fandin, ew in. Nim\u00fbne, rab\u00fbn\u00ean girsey\u00ee ku em j\u00ea re dib\u00eajin serhildan, destp\u00eak\u00ea bi \u00e7i away\u00ee \u00e7\u00eab\u00fbye? Ji bo xwed\u00ee li cenazey\u00ean lehengan, \u015feh\u00eedan derkevin, \u00e7\u00eab\u00fbye. Li welat\u00ean din rab\u00fbn\u00ean civakan ji bo daxwaz\u00ean abor\u00ee, siyas\u00ee ne, yan\u00ee hinek daxwazan dikin rojev \u00fb li ser v\u00ee h\u00eem\u00ea civak dadikevin kolanan. L\u00ea li Kurdistan\u00ea m\u00eaze bikin; rab\u00fbn\u00ean civakan ji bo ku layiq\u00ea lehengan bin, ji bo xwed\u00ee li cenazey\u00ean lehengan derbikevin \u00fb wana weke ku t\u00ea xwestin bi meras\u00eem\u00ea rake, \u00e7\u00eadibin. Civaka Kurdistan destp\u00eaka 89 \u00fb 90&#8217;\u00ee li Nusayb\u00een, li Ciz\u00eera Botan bi v\u00ee away\u00ee dest bi serhildanan kiriye. \u00c7ima? Ji ber ku ew leheng\u00ean \u015feh\u00eed b\u00fby\u00een, ji bo civak\u00ea h\u00eav\u00ee ava kirin, bandor \u00e7\u00eakirin. Civak \u00ead\u00ee nav\u00ea wan li hem\u00fb zarok\u00ean xwe y\u00ean n\u00fb xwed\u00ea day\u00ee l\u00eadikin. Civak bi wan h\u00eaviyan p\u00ea\u015feroj\u00ea ji bo xwe \u00e7\u00eadike. Ev bi xwe re \u015fore\u015f ava kir. \u015eore\u015fa civak\u00ee \u00fb \u015fore\u015fa jin bi xwe re ava kir. \u00cad\u00ee li Kurdistan\u00ea ne ten\u00ea leheng\u00ean m\u00ear, leheng\u00ean jin derketin. Jin \u00fb m\u00ear bi hev re derketin kolanan. T\u00eako\u015f\u00eena Azadiya Kurdistan\u00ea di ke\u00e7 \u00fb xort\u00ean Kurd de rihek\u00ee wisa ava kir ku mirov dikare b\u00eaje mezinb\u00fbn diyar kir. Li ser v\u00ea h\u00eem\u00ea p\u00ea\u015fve\u00e7\u00fbna lehengan \u00e7\u00eab\u00fb, li ser v\u00ea h\u00eem\u00ea t\u00eako\u015f\u00een her ku \u00e7\u00fb mezin b\u00fb \u00fb b\u00fb girsey\u00ee. Niha pir kes li ser girseb\u00fbna PKK&#8217;\u00ea t\u00eagih\u00een\u00ean \u015fa\u015f t\u00eenin ser ziman. PKK&#8217;\u00ea bi civak\u00ea, bi saya lehengan girsey\u00ee b\u00fbye. Civak bi baweriy\u00ea li pey me\u015fiyaye, wisa Tevgera Azadiya Kurdistan\u00ea bi nav\u00ea PKK&#8217;\u00ea weke topa berf\u00ea her ku \u00e7\u00fbye mezin b\u00fbye \u00fb di sal\u00ean 90&#8217;\u00ee de j\u00ee gih\u00ee\u015ftiye girseyeke mezin. Ev bi xwe re mirovat\u00ee li Kurdistan\u00ea p\u00ea\u015f dixe, \u00eeradeya mirov ava dike, hem berxwedan\u00ea zindanan, hem j\u00ee ya \u00e7iyayan v\u00ea yek\u00ea bi xwe re ava dike \u00fb dime\u015fe. Mirov dikare bib\u00eaje ku mirov ji bo doza p\u00eeroz pir rehet dikarin xwe feda bikin, agir berdin can\u00ea xwe. M\u00eenak di 17&#8217;\u00ea Gulana 1982&#8217;an de, li zindana Amed\u00ea heval Ferhat Kurtay, Mahmut Zeng\u00ee, E\u015fref Anyik, Necm\u00ee Oner; \u00e7ar heval bi ve\u015fart\u00ee amadekar\u00ee dikin \u00fb agir berdidin can\u00ea xwe. Heval\u00ean d\u00eetir ji xew radibin, dib\u00eenin ku agir v\u00eaketiye, dixwazin vemir\u00eenin; bang dikin dib\u00eajin nevemir\u00eenin, agir gur bikin, nevemir\u00eenin xiyanet nekin, ge\u015f bikin, wisa bi d\u00eelan di\u00e7in \u015fehadet\u00ea. Her wiha ke\u00e7a Kurd, xwendekara zan\u00eengeha tip\u00ea ya Amed\u00ea Zekiye Alkan dib\u00eaje Newroz wisa t\u00ea p\u00eerozkirin \u00fb li ser birc\u00ean Amed\u00ea agir berdide can\u00ea xwe. Ev xwe fedakirin e, \u00e7i jin \u00fb \u00e7i zilam fekariyeke pir bilind e, baweriyeke pir bilind e, kelecaneke pir mezin e. Ev yek girseb\u00fbn \u00e7\u00eakir, wisa me\u015fa azadiya Kurdistan ava kir \u00fb ge\u015f kir. \u015eeh\u00eed di d\u00eeroka me de t\u00ean van wateyan. Ango \u00ean ku me ava kir\u00ee, fikr \u00fb ramana R\u00eaber\u00ee \u00fb li ser v\u00ea h\u00eem\u00ea berxwedan \u00fb keda \u015feh\u00eedan e.<\/p>\n\n\n\n<p class=\"wp-block-paragraph\"><strong>Ji aliy\u00ea Tevgera we ve her tim t\u00ea gotin \u015feh\u00eed kaniya h\u00eaza me ye. H\u00fbn dikarin v\u00ea gotin\u00ea ji bo me hinek\u00ee vekin?<\/strong><\/p>\n\n\n\n<p class=\"wp-block-paragraph\">R\u00eaber Apo ji bo \u015feh\u00eedan tu caran wisa \u015f\u00eerove windahiy\u00ea nekiriye, ango \u015fehadet weke windah\u00ee \u015f\u00eerove nekiriye. Berovaj\u00ee \u015fehadet weke qezencek\u00ee \u015f\u00eerove kiriye \u00fb p\u00ea\u015f xistiye. Ango bi her \u015feh\u00eedek\u00ee, ji bo b\u00eeran\u00eena \u015feh\u00eed, r\u00eabaz\u00ea bilindkirina t\u00eako\u015f\u00een\u00ea ketiye rojev\u00ea, ji bo v\u00ea j\u00ee li ku der\u00ea, li kijan her\u00eam\u00ea \u015feh\u00eed \u00e7\u00eab\u00fbne, li w\u00ea der\u00ea mezinb\u00fbn \u00e7\u00eab\u00fbye, derketin \u00e7\u00eab\u00fbye. Rast \u015fopandin, b\u00eeran\u00een day\u00eena jiyankirin, dibe bingeh\u00ea bilindkirina t\u00eako\u015f\u00een\u00ea. Di d\u00eeroka me de her tim wisa b\u00fbye, \u015feh\u00eed rolek\u00ee wisa l\u00eestine. Nim\u00fbne; \u015fehadeta heval Hak\u00ee Karer b\u00fb bingeha part\u00eeb\u00fbn\u00ea. Li ser b\u00eeran\u00eena w\u00ee part\u00eeb\u00fbn ketiye rojev\u00ea \u00fb hatiye r\u00eaxistinkirin. \u015eehadeta Xel\u00eel \u00c7avgun b\u00fb bingeha berxwedana H\u00eelwan\u00ea. Li hember\u00ee feodal, noker, dagirkeran berxwedaneke d\u00eerok\u00ee hate p\u00ea\u015fxistin. \u015eehadeta zindan\u00ean Amed\u00ea b\u00fb bingeh\u00ea p\u00eangava 15&#8217;\u00ea Tebax\u00ea, \u015fehadet\u00ea heval Eg\u00eed (Mahsum Korkmaz) b\u00fb bingeh\u00ea bilindkirina \u015fer\u00ea ger\u00eela \u00fb avakirina ARGK&#8217;\u00ea. Her tim wisa b\u00fbye, her xeleka \u015feh\u00eed bi xwe re, p\u00eangavek\u00ee n\u00fb p\u00ea\u015fxistiye. Ango ji bo v\u00ea \u015feh\u00eed lewaz\u00ee ne, l\u00ea xurtb\u00fbn ava kiriye. \u015e\u00eawaz\u00ea R\u00eaber Apo p\u00ea\u015f xist\u00ee, hi\u015fmendiya hat\u00ee p\u00ea\u015fxistin \u00fb gir\u00eadanb\u00fbna r\u00eaheval\u00ee; bi her \u015feh\u00eedek\u00ee re di hem\u00fb hevalan de h\u00earsek\u00ee ava dike, ruhek\u00ee ava dike, hi\u015femd\u00ee \u00fb tol rakirin\u00ea ava dike, dibe bingeh\u00ea p\u00eangavek\u00ee n\u00fb. Wisa \u015fehadet ne lewaz\u00ee, xurtb\u00fbn bi xwe re aniye. B\u00eaguman dijmin her tim dixwaze derbe li me bixe, \u015fehadet \u00e7\u00eabike weke ku me lewaz bike, l\u00ea berovaj\u00ee w\u00ea di nav tevger\u00ea de \u015fehade ne lewaz\u00ee xurtb\u00fbn bi xwe re aniye. Ji bo v\u00ea, ew dir\u00fb\u015fme ku &#8220;\u015eeh\u00eed\u00ean me kaniya h\u00eaz\u00ea me ne&#8221; heq\u00eeqetek mezin \u00fb ber\u00e7av e. Di rastiy\u00ea de ev tevger li ser h\u00eaza \u015feh\u00eedan mezin b\u00fbye, wisa ava b\u00fbye, wisa p\u00ea\u015f ketiye, cardin li ser h\u00eaza \u015feh\u00eedan part\u00eeb\u00fbn p\u00ea re \u00e7\u00eab\u00fbye, girseb\u00fbn \u00e7\u00eab\u00fbye, encamgirtin \u00e7\u00eab\u00fbye. Ji ber v\u00ea gotina, &#8220;\u015eeh\u00eed\u00ean me kaniya h\u00eaz\u00ea me ne&#8221; gotineke pir rasteq\u00een e, pir di cih de ye. Gotina PKK partiya \u015feh\u00eedan e ku partiya me ku w\u00ea \u00e7ax\u00ea PKK&#8217;\u00ea b\u00fb, ji diyalekt\u00eekek\u00ee wisa t\u00ea. Ango ev part\u00ee bi \u015feh\u00eedan \u00e7\u00eab\u00fbye \u00fb bi \u015feh\u00eedan mezin b\u00fbye. Part\u00ee partiya \u015feh\u00eedan e. Ango tevgera me tevgera \u015feh\u00eedan e. \u015eeh\u00eed bi v\u00ee away\u00ee nemir in, p\u00ea\u015feng in. Ji bo na w\u00ea R\u00eabe Apo gotiye, &#8220;Di r\u00eaya armanca mezin de \u015feh\u00eedb\u00fbn ne mirin e, her tim jiyan e.&#8221; Ango gotiyeke jiyaneke b\u00ea mirin e. Di rastiy\u00ea de j\u00ee \u015feh\u00eed\u00ean me di t\u00eako\u015f\u00eena me de rolek\u00ee wisa l\u00eestine. \u00cero em wek tevger \u00e7i ye me hebe, a\u00eed\u00ea \u015feh\u00eedan e. Ji keda \u015feh\u00eed\u00ean me \u00fb berhema \u015feh\u00eed\u00ean me ev ti\u015ft p\u00eak hatine. Ger ku niha derfet heye, madiyat heye, zem\u00eena siyaset\u00ea \u00fb t\u00eako\u015f\u00een\u00ea heye, ev bi xw\u00eena leheng\u00ean me hatine avakirin. Bi saya p\u00ea\u015feng, leheng\u00ean, eg\u00eed\u00ean me y\u00ean ke\u00e7 \u00fb xurt \u00e7\u00eab\u00fbne. Ew v\u00ea doz\u00ea me\u015fandine \u00fb heta roja \u00eero an\u00eene. B\u00eaguman li ser heta R\u00eaber Apo, li ser felsefeya R\u00eaber Apo, ew ruh\u00ea feday\u00ee hatiye avakirin ku ge\u015f b\u00fbye, wisa xurt b\u00fbye, di ciwan\u00ean Kurd de ruhek\u00ee nemir ava kiriye, dikarin pir e\u015fkere xwe ji bo doz\u00ea feda bikin. Cesaret \u00fb \u00eerade bi wan re ava b\u00fbye. \u00cerade \u00e7\u00eadibe, mezinb\u00fbn \u00e7\u00eadibe; bi v\u00ee awayek\u00ee her ti\u015ft hatiye avakirin \u00fb p\u00eak hatiye. \u00cero j\u00ee ku em li vir bi we re diaxivin, bi saya wan qehremanan e. Ji bo na w\u00ea, \u00ead\u00ee jiyana me j\u00ee be\u015feke ji wan e. Heta ger ku em niha jiyan dikin, bi saya wan e. W\u00ea \u00e7ax\u00ea em deyndar\u00ea wan in ku em \u015fopdariya wan bikin, doz\u00ea wan tems\u00eel bikin. Ev ji bo her kes\u00ee derbasdar e. Em div\u00ea doza wan tems\u00eel bikin; di xeta R\u00eaber Apo de \u015fopdariya \u015feh\u00eedan wisa rast bikin, heta karibin r\u00eaheval\u00ea wan bin, layiq\u00ea wan bin, em r\u00eahevaliy\u00ea rast tems\u00eel bikin.<\/p>\n\n\n\n<p class=\"wp-block-paragraph\"><strong>Di hinek daxuyaniy\u00ean we de heye \u00fb me gelek caran ji we bih\u00eestiye ku di serdema \u015fer\u00ea tunelan de di ref\u00ean we de rih\u00ea feda\u00eetiy\u00ea ge\u015f b\u00fbye. V\u00ea yek\u00ea h\u00fbn bi \u00e7i ve gir\u00ea didin?<\/strong><\/p>\n\n\n\n<p class=\"wp-block-paragraph\">Bi esas\u00ee ji sal\u00ean 2015&#8217;an heta 2025&#8217;an, \u015fer\u00ea 10 salan me\u015fiyay\u00ee, \u015ferek\u00ee ku bi ruh\u00ea feday\u00ee hat\u00ee me\u015fandin e. Ango ne ten\u00ea \u015fer\u00ea tunelan, \u015fer\u00ea bakur\u00ea Kurdistan\u00ea hem\u00fb eyaletan bi rast\u00ee bi ruhek\u00ee feday\u00ee hate me\u015fandin. Ango t\u00eako\u015f\u00eena Azad S\u00eeseran, y\u00ea Ber\u00e7em C\u00eeloyan, y\u00ea Delal Amedan, y\u00ea Eg\u00eed Civyanan, y\u00ea Welat Her\u00eenkiyan, Leyla Amedan, cardin y\u00ea t\u00eako\u015f\u00een\u00ea Atakan Mah\u00eeran, \u00c7\u00ee\u00e7ek Botanan, Yilmaz Dersiman, \u015eehmuz Malazgirtan, y\u00ea Berwar Dersiman, y\u00ea Herekol Geveran ango bi hezaran heval \u00fb fermandar van hem\u00fb j\u00ee fedayiyane \u015fer kir. Nim\u00fbne, \u00c7et\u00een S\u00eew\u00earek fermandar\u00ea Dersim\u00ea b\u00fb, Eg\u00eed Civyan \u00ear\u00ee\u015f\u00ee dijmin kir \u00fb wisa bi fedayiyane gih\u00ee\u015ft \u015fehadet\u00ea. Di 10 sal\u00ean daw\u00ee de bi ruhek\u00ee feday\u00ee \u015ferek\u00ee pir dijwar hat kirin. Di \u015fer\u00ea tunelan de ev rih z\u00eadetir b\u00fb. \u00car\u00ee\u015f\u00ean li ser baregeh\u00ea navend\u00ee y\u00ea Tevger\u00ea, \u015fer\u00ea heta w\u00ea \u00e7ax\u00ea me\u015fiyay\u00ee ruhek ava kir. Ruh\u00ea feday\u00ee y\u00ea Apoy\u00ee ge\u015f b\u00fb.<\/p>\n\n\n\n<p class=\"wp-block-paragraph\">Raste fedayiy\u00ean ku di w\u00ea dem\u00ea de \u00e7alakiy\u00ean feday\u00ee kir\u00ee, weke heval Sara, heval R\u00fbken, heval Rojhat, heval Erdal, heval Asya, heval Rojger vana li ber \u00e7av\u00ea her kes\u00ee \u00e7alakiy\u00ea feday\u00ee kirin. L\u00ea di tunelan de hema hema hem\u00fb heval eyn\u00ee wisa bi fedayiyane \u015fer kir \u00fb bi dehan \u00e7alakiy\u00ean wisa feday\u00ee di \u015fer\u00ea tunelan de hene. Nim\u00fbne, tal\u00eemat \u00e7\u00fbye ku filan kes ji tunelan derkeve were, ji bo ney\u00ea li bin\u00ea ling\u00ea xwe xistiye, naxwaze were, dixwaze ew j\u00ee li wir bim\u00eene \u00fb \u015fer bike. Nim\u00fbne, tal\u00eemat hatiye day\u00een ku tunel\u00ean Zend\u00fbra li Met\u00eena berdin, ji bo ku heval\u00ean xwe y\u00ean bir\u00eendar \u00ean li wir neterik\u00eenin, di p\u00ea\u015fengtiya heval Hejar de biryar girtin \u00fb gotin em bernadin. Her wiha li Met\u00eenay\u00ea biryara &#8216;destberdana ji tunel\u00ea&#8217; hate dayin. Fermandar\u00ee hefteyek\u00ea bi h\u00eaz\u00ea re axiv\u00ee ku qanih bike. M\u00eenak, prat\u00eeka hevala Az\u00ea&#8230; Bi tena ser\u00ea xwe mehek\u00ea li dij\u00ee dijmin \u015fer kir.<\/p>\n\n\n\n<p class=\"wp-block-paragraph\">Leheng\u00ean jin-m\u00ear \u00ean bi v\u00ee reng\u00ee di \u015fer\u00ea tunelan de gelek\u00ee z\u00eade b\u00fbn. Sekna heval\u00ea Bager Gever, hevala Asm\u00een, \u00e7alakiy\u00ean wan \u00ean feda\u00ee&#8230; Ev \u00e7alak\u00ee bi \u00e7ar hevalan kirin. Li Gir\u00ea \u015eeh\u00eed Berxwedan \u00fb Gir\u00ea Bextiyar \u00e7ar kesan bi hev re \u00e7alakiya feda\u00ee kirin. Bi ruhek\u00ee bi v\u00ee reng\u00ee y\u00ea feda\u00ee \u00fb israreke b\u00eadaw\u00ee \u015fer\u00ea tunelan hate me\u015fandin. Sedema sereke ya v\u00ea yek\u00ea tecr\u00eeda li ser R\u00eaber Apo \u00fb berxwedana R\u00eaber Apo ye. He rwiha \u00eari\u015f\u00ean li ser navenda tevger\u00ea b\u00fb.<\/p>\n\n\n\n<p class=\"wp-block-paragraph\">Ti\u015fta di v\u00ea dem\u00ea de p\u00eak hat \u00e7i b\u00fb? Ya yekem\u00een ruh\u00ea Apoy\u00ee, ya duyem\u00een pisporiya \u015fer b\u00fb. Herdu ti\u015ftan dewleta Tirk li Zap\u00ea xitimand, westand. V\u00ea berxwedan\u00ea di heman dem\u00ea de p\u00eavajoya hey\u00ee j\u00ee afirand. Ev hem\u00fb bi saya leheng\u00ean li \u015fer\u00ea tunelan b\u00fb. Bi saya p\u00ea\u015feng\u00ean weke C\u00fbmal\u00ee, Serhat, Botan, \u00c7avr\u00ea, Az\u00ea, Mordem, Nal\u00een, Del\u00eel, Yekta, Guven, Sarya, Asm\u00een \u00fb Dogan p\u00eak hat. Wan lehengan berxwedan mezin kirin \u00fb li hember\u00ee art\u00ea\u015fa Tirk weke d\u00eewarek\u00ee sekin\u00een.<\/p>\n\n\n\n<p class=\"wp-block-paragraph\"><strong>Ya ku meha Gulan\u00ea kir meha \u015feh\u00eedan \u00e7i ye? H\u00fbn dikarin hinek\u00ee qala v\u00ea bikin?<\/strong><\/p>\n\n\n\n<p class=\"wp-block-paragraph\">Di meha Gulan\u00ea de \u015feh\u00eed\u00ean me z\u00eade ne. Rast e, Adar \u00fb N\u00eesan weke meh\u00ean hatina bihar\u00ea t\u00ea zan\u00een l\u00ea bel\u00ea li Kurdistan\u00ea derfet\u00ea liv \u00fb tevgera di bihar\u00ea de ten\u00ea meha Gulan\u00ea heye. Ji ber v\u00ea j\u00ee di meha Gulan\u00ea de gelek\u00ee \u015fer diqewime. Lewma \u015fehadet\u00ean meha Gulan\u00ea gelek\u00ee z\u00eade ye. Em nav\u00ea hin fermandaran, hin p\u00ea\u015fengan t\u00eenin ziman, l\u00ea bel\u00ea di meha Gulan\u00ea de \u015feh\u00eed\u00ean me gelek\u00ee z\u00eade ne.<\/p>\n\n\n\n<p class=\"wp-block-paragraph\">Di meha Gulan\u00ea de di nava \u015fore\u015fa Tirkiyey\u00ea de j\u00ee gelek \u015fehadet\u00ean mezin \u00e7\u00eab\u00fbn. Destp\u00eak\u00ea 1&#8217;\u00ea Gulana 1977&#8217;an \u015feh\u00eed\u00ean Taks\u00eem\u00ea hene, 6&#8217;\u00ea Gulan\u00ea Den\u00eez Gezm\u00ee\u015f, Y\u00fbs\u00fbf Aslan \u00fb Husey\u00een \u00cenan hatin darveirin, 17&#8217;\u00ea Gulana 2017&#8217;an \u00dbla\u015f Bayraktarogl\u00fb \u015feh\u00eed b\u00fb, 18&#8217;\u00ea Gulan\u00ea \u00cebrah\u00eem Kaypakkaya \u015feh\u00eed b\u00fb, 31&#8217;\u00ea Gulan\u00ea S\u00eenan Cemg\u00eel \u00fb hevr\u00eay\u00ean w\u00ee \u015feh\u00eed b\u00fbn. Yan\u00ee di meha Gulan\u00ea de gelek p\u00ea\u015feng\u00ean tevger\u00ean \u015fore\u015f\u00ea y\u00ean Tirkiyey\u00ea j\u00ee \u015feh\u00eed b\u00fbn.<\/p>\n\n\n\n<p class=\"wp-block-paragraph\">Gelek hevr\u00eay\u00ean me j\u00ee \u015feh\u00eed b\u00fbn. Weke ku t\u00ea zan\u00een 18&#8217;\u00ea Gulan\u00ea heval\u00ea Hak\u00ee Karer \u015feh\u00eed b\u00fb, 2&#8217;\u00ea Gulan\u00ea Mehmet Karas\u00fbng\u00fbr, \u00cebrah\u00eem B\u00eelg\u00een \u015feh\u00eed b\u00fbn, 2&#8217;\u00ea Gulan\u00ea fermandar\u00ea me y\u00ea C\u00fbd\u00ee; Hamza, heval\u00ea Azad S\u00eeser, \u00c7ekdar Amed \u015feh\u00eed b\u00fbn. 18&#8217;\u00ea Gulan\u00ea gelek fermandar\u00ean me \u015feh\u00eed b\u00fbn: Heval\u00ea Sabr\u00ee Tendurek, heval\u00ea R\u00eazan Amed&#8230; 3&#8217;\u00ea Gulan\u00ea \u015fore\u015fger\u00ea h\u00eaja hevr\u00ea Sirri Sureyya Onder \u015feh\u00eed b\u00fb. \u015eore\u015fgerek\u00ee gelek\u00ee h\u00eaja b\u00fb. Ji bo \u00e7areseriy\u00ea bi dil \u00fb can t\u00eako\u015fiya. W\u00ea dem\u00ea di 3&#8217;\u00ea Gulana 2025&#8217;an de \u015feh\u00eed b\u00fb.<\/p>\n\n\n\n<p class=\"wp-block-paragraph\">19&#8217;\u00ea Gulan\u00ea heval\u00ea Hal\u00eel \u00c7avg\u00fbn, Muslum Baran \u015feh\u00eed b\u00fbn. Di sala 2010&#8217;an de li Rojhilat \u015fore\u015fger\u00ean h\u00eaja \u015e\u00eer\u00een Elemh\u00fbl\u00ee, Ferzad Kemanger, Ferhad Wek\u00eel\u00ee \u00fb El\u00ee Heyderyan, 9&#8217;\u00ea Gulan\u00ea hatin darvekirin \u00fb \u015feh\u00eed b\u00fbn. Heval\u00ea Kasim Eng\u00een, heval\u00ea Mas\u00eero Xab\u00fbr, heval\u00ea Bawer Patnos 27&#8217;\u00ea Gulan\u00ea \u015feh\u00eed b\u00fbn. Salih (Hasan Aga\u00e7), H\u00eal\u00een Serhat, heval\u00ea Hozan 16&#8217;\u00ea Gulana 1997&#8217;an li Hewl\u00ear\u00ea \u015feh\u00eed b\u00fbn. Di komkujiya \u00e7iyay\u00ea B\u00eazar\u00ea de \u015fehadet \u00e7\u00eab\u00fbn; 28 ciwan\u00ean Kurd ji bo tevl\u00ee bibin bi r\u00ea ketib\u00fbn, l\u00ea bel\u00ea ji aliy\u00ea dijmin ve hatin \u015fopandin \u00fb \u015feh\u00eed ketin. Heval\u00ea Cem\u015f\u00eed, hevala S\u00fbltan Yav\u00fbz li \u015eemz\u00eenan\u00ea di sala 1988&#8217;an de, eger \u015fa\u015f ney\u00ea b\u00eera min di 15&#8217;\u00ea Gulan\u00ea de \u015feh\u00eed b\u00fbn. Bi kurtas\u00ee di meha Gulan\u00ea de gelek hevr\u00eay\u00ean me, p\u00ea\u015feng\u00ean me \u015feh\u00eed b\u00fbn.<\/p>\n\n\n\n<p class=\"wp-block-paragraph\">Meha \u015feh\u00eedan bi v\u00ee reng\u00ee ji bo me b\u00fb xwed\u00ee wateyeke gelek\u00ee mezin. Weke min got, gelek heval\u00ean me ku me nav\u00ea wan nekar\u00ee bigota di v\u00ea meh\u00ea de \u015feh\u00eed b\u00fbn. Ez careke din \u015feh\u00eed\u00ean meha Gulan\u00ea hem\u00fbyan bi hurmet \u00fb minet bi b\u00eer t\u00eenim \u00fb soza ku me dane wan dubare dikin.<\/p>\n\n\n\n<p class=\"wp-block-paragraph\">Doza me doza \u015feh\u00eedan e. \u015eeh\u00eed\u00ean me doz gihandine v\u00ea ast\u00ea; ji niha \u00fb p\u00ea ve j\u00ee bi h\u00eaza ku wan afirandine w\u00ea ev doz bi ser bikeve. Bi ruh\u00ea feda\u00ee y\u00ea APoy\u00ee, li ser \u015fopa \u015feh\u00eed\u00ean leheng \u00fb li ser r\u00eaya R\u00eaber Apo w\u00ea me\u015fa demokras\u00ee \u00fb azadiy\u00ea teqez bi ser bikeve. Ev leheng\u00ean me, \u015feh\u00eed\u00ean me w\u00ea her tim bibin p\u00ea\u015feng\u00ean me y\u00ean nemir. Ji ber v\u00ea yek\u00ea j\u00ee em careke din dib\u00eajin, &#8220;\u015eeh\u00eed namirin, \u015feh\u00eed namirin.&#8221;<\/p>\n","protected":false},"excerpt":{"rendered":"<p>Endam\u00ea Fermandariya Navenda Parastina Gel (NPG) M\u00fbrat Karayilan ji bo \u015feh\u00eed\u00ean meha Gulan\u00ea ji ANF&#8217;\u00ea re axiv\u00ee, bal ki\u015fand ser cih\u00ea meha Gulan\u00ea di nava d\u00eeroka t\u00eako\u015f\u00een\u00ea \u00fb an\u00ee ziman ku di v\u00ea meh\u00ea de gelek hevr\u00eay\u00ean wan \u015feh\u00eed b\u00fbn. Karayilan \u015eeh\u00eed\u00ean Meha Gulan\u00ea careke din bi hurmet \u00fb minet bi b\u00eer an\u00ee \u00fb destn\u00ee\u015fan [&hellip;]<\/p>\n","protected":false},"author":1,"featured_media":14483,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[71],"tags":[],"class_list":["post-14482","post","type-post","status-publish","format-standard","has-post-thumbnail","hentry","category-nuce"],"_links":{"self":[{"href":"https:\/\/freedomocalansyria.com\/ku\/index.php?rest_route=\/wp\/v2\/posts\/14482","targetHints":{"allow":["GET"]}}],"collection":[{"href":"https:\/\/freedomocalansyria.com\/ku\/index.php?rest_route=\/wp\/v2\/posts"}],"about":[{"href":"https:\/\/freedomocalansyria.com\/ku\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/freedomocalansyria.com\/ku\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/freedomocalansyria.com\/ku\/index.php?rest_route=%2Fwp%2Fv2%2Fcomments&post=14482"}],"version-history":[{"count":1,"href":"https:\/\/freedomocalansyria.com\/ku\/index.php?rest_route=\/wp\/v2\/posts\/14482\/revisions"}],"predecessor-version":[{"id":14484,"href":"https:\/\/freedomocalansyria.com\/ku\/index.php?rest_route=\/wp\/v2\/posts\/14482\/revisions\/14484"}],"wp:featuredmedia":[{"embeddable":true,"href":"https:\/\/freedomocalansyria.com\/ku\/index.php?rest_route=\/wp\/v2\/media\/14483"}],"wp:attachment":[{"href":"https:\/\/freedomocalansyria.com\/ku\/index.php?rest_route=%2Fwp%2Fv2%2Fmedia&parent=14482"}],"wp:term":[{"taxonomy":"category","embeddable":true,"href":"https:\/\/freedomocalansyria.com\/ku\/index.php?rest_route=%2Fwp%2Fv2%2Fcategories&post=14482"},{"taxonomy":"post_tag","embeddable":true,"href":"https:\/\/freedomocalansyria.com\/ku\/index.php?rest_route=%2Fwp%2Fv2%2Ftags&post=14482"}],"curies":[{"name":"wp","href":"https:\/\/api.w.org\/{rel}","templated":true}]}}